Äfğanstanda köçle su basular

Äfğanstannıñ başqalası Kabul tiräsendäge Pärvan töbägendä ğadättän tış köçle yawım-töşem su basular kiterep çığardı. Anda 70 keşeneñ ğomere özelde.

Cirlek xakimiyäte wäkile Vaxidä Şähkar beldergänçä, köçle yañğır kiçä irtän başlanğan. Taşqınnarnıñ älegä qadär 70 keşeneñ ğomeren özüen belderälär. Monnan tış, 100 keşe yaralanğan. Älege kürsätkeçlär gel üsü yağına üzgärep tora.

Şähkar bik küp yortnıñ su astında qaluın häm êzläw-qotqaru êşläreneñ däwam itüen citkerä.