Kim Çen In komada dip farazlana
Anıñ urının señlese alırğa mataşa
Tön’yaq Koreya liderı Kim Çen Innıñ komada buluı häm wäqalätläreneñ ber öleşe qız tuğanı Kim Yo Çjonga birelüe alğa sörelä. Bu xaqta “N’yu-York Post” Kön’yaq Koreya mediasına tayanıp yaza.
Kön’yaq Koreyanıñ êlekkege däwlät başlığı märxüm Kim Dê Çjunnıñ kiñäşçese bulğan Çang Son Min äytüençä, bıyıl ähämiyätle çaralarda qatnaşmawçı Tön’yaq Koreya liderı Kim Çen Innıñ sälamätlege bik naçar. “Komada buluın farazlıym, ämma xäzergä isän,”-dide ul.
Çang beldergänçä, Kimnıñ señlese il belän idarä itüdä bulışırğa äzer. “Tulı varis täğayenlänmäde, şul säbäple buşlıqnıñ ozaq waqıt däwam itä almawı öçen Kim Yo Çjon alğa çığarıla,”-dip söyli êlekkege däwlät kiñäşçese. Anıñ älege farazları Kön’yaq Koreya küzläw oyışması wäqalätleläreneñ Kimnıñ 33 yäş’lek señleseneñ, räsmi bularaq bilgelänmäsä dä, monnan soñ “de fakto ikençe lider” bularaq xezmät itüe belän bäyle belderüennän soñ yasaldı.
