Şartlawda ülüçelӓr sanı 177 gӓ citkӓn
Bu xaqta Livan sӓlamӓtlek saqlaw ministrı Hamad Xasan beldergӓn
1472875
Livan başqalası Bӓyrutta uzğan atnada barlıqqa kilgӓn köçle şartlawda ğomere özelgӓn keşe sanı 177 gӓ citkӓn.
Bu xaqta Livan sӓlamӓtlek saqlaw ministrı Hamad Xasan beldergӓn.
Ul şartlawda yuğalğan 30 keşeneň ӓle haman da tabılmawın citkergӓn.
İsegezgӓ töşerӓbez, Bӓyrut portında 4 nçe avgustta şartlatqıç maddӓlӓr saqlağıçında başta yanğın çıqqan, annan soň bik köçle şartlaw barlıqqa kilgӓn ide.
Ul könnӓn birle dönyanıň törle poçmaqlarınnan Bӓyrutqa mediśina hӓm azıq - tölek yӓrdӓmnӓre kilӓ. Yӓrdӓm cibӓrüçelӓr arasında Törkiyӓ dӓ bar.