Bolgariyädäge yanğın (videosı bar)

Zur mäydannı biläp alğan utnı 4 kön buyı sünderä almıylar

1470280
Bolgariyädäge yanğın (videosı bar)

Bolgariyädä Törkiyä çigenä yaqın cirlektä 10 meñ gektar mäydannı biläp alğan yanğın öleşçä kontrol’gä alındı. İlneñ yanğın sünderü idaräse başlığı Nikolay Nikolov şulay dip belderde. Ul Studena awılındağı tikşerenülärdän soñ Matoçina häm Varnik awılları arasındağı kötüleklärdä 4 kön däwam itüçe yanğınnıñ kritik bulmawın farazladı. Ämma bu, Nikolov äytüençä, xäwefneñ çigenüen añlatmıy.

Yanğınnıñ çik aşa Törkiyä yağına küçü qurqınıçı da bar. Şuña kürä Bolgariyä yanğın sünderüçeläre törek xezmättäşlären yärdämgä çaqırırğa isäpli. Alar yanğınnı çikneñ ikençe yağınnan sünderergä tırışaçaq.

Nikolov Törkiyä belän êlemtädä buluların häm awır cir maşinaları cibärü täq’dime aluların äytte. Ämma Bolgariyä älegä sünderü êşçänlegen cirle köçlär belän alıp bara.

İdarä başlığı äytüençä, ike il arasında qaçaqlarğa qarşı quyılğan timer çıbıq çitännär yanğında zarar kürmägän. Ul çik buyı saqçılarınıñ kiräkle çaralarnı kürüen belderde.

Nikolov farazlawınça, yanğınğa yuldan uzuçı yök maşinaları yörtüçelärneñ sünderelmiçä atılğan töpçege säbäpçe bulırğa mömkin.  

Meteorologlar bügen dä regiondağı hawa torışınıñ êsse häm cille buluın citkerde.


Etiketlar: #yanğın , #Bolgariya

Bäyläneşle xäbärlär