Bolgariyada zur yanğın

Ut zur tizlek belän toraq punktlarğa yaqınlaşa

1469777
Bolgariyada zur yanğın

Bolgariyäneñ Törkiyä çigenä yaqın Lesovo şähärçege yanında zur yanğın çıqtı. Ut şaqtıy mäydannı biläp aldı. Gubernator cirlektä ğadättän tış xäl iğ’lan itte. Xakimiyättän belderülärençä, yanğın Topolovgrad häm Svilengrad şähärlärenä taba yul ala. Ut Tunça yılğasın ütkän. Köçle cil yalqınnarnı toraq punktlar yanına kiterep citkerüen äytep çañ suğalar.

Xaskov töbäge gubernatorı Stefka Zdravkova çaqıruınnan soñ yanğın sünderüçelärgä yärdämgä armiyäneñ kilüen soradılar. Cirlektä yäşäwçelär dä ut belän köräşkä quşılğan.  

Meteorologlar bügen Bolgariyäneñ könçığışında 14 cirlektä köçle cil häm ğadättän tış êsselek säbäple yanğın qurqınıçı barlığın belderde.


Etiketlar: #yanğın , #Bolgariya

Bäyläneşle xäbärlär