İke il arasında yäşeren tunnel'

Amerikanıñ migraśiyä xezmäte Meksika belän ike arada ütep yörüne täêmin itüçe cir astı yulı tabuların belderde. Alar äytüençä, bu AQŞ tarixında oçrağan iñ aldınğı texnologiyäle tunnel’.

Çik buyı häm tamğaxanä xezmäte äle tözelep betmägän bu kiçüne  Arizona ştatında alıp barıluçı ber tikşerü waqıtında taba. Wäqalätlelär beldergänçä, tunnel’ 1 metr kiñlegendä häm 1 metr 20 santimetr biyeklegendä. Êçendä hawalandıru çeltäre, êlektr utı, rel’slar häm kiñ täêminat sisteması bar.

İke il arasında cir astı yulınıñ kemnär tarafınnan häm nindi maqsat belän qazıluın açıqlaw öçen tikşerü bara.