Zäxmät tarala bara

Könbatış illärendä koronavirus belän bäyle soñğı sannar

1468727
Zäxmät tarala bara
sinif-koronavirus.jpg
SPR korona2.jpg

Dön’yada koronavirustan ğomere özelüçelär sanı 717 meñnän arttı. Yoqtıru oçraqları 19 million 266 meñ, sawığuçılar sanı 12 million 364 meñ buldı.

Latin Amerikasında kizüneñ märkäze sanaluçı Braziliyädä soñğı täwlektä tağın 1237 keşeneñ ğomere özelde. Şulay itep, ildä virus belän bäyle ülemnär 98 meñ 493kä citte. Yoqtıru oçraqları 53 meñ 139ğa arttı häm 2 million 912 meñ 212 keşe täşkil itte.

Meksikada soñğı täwlektä Kovid-19 arqasında ülemnär sanı 819ğa arttı häm 50 meñ 517 buldı. Yoqtıru oçraqları 6 meñ 590ğa kübäyde häm 462 meñ 690ğa citte.

162 meñnän artıq yuğaltu häm 5 millionnan kübräk yoqtıruçı belän êpiśentr xälendäge AQŞta däwlät departamentı häm awırularnı kontrol’ itü häm profilaktikalaw üzäge 4nçe däräcä global’ säyäxät kisätüen ğamäldän çığaruların xäbär itte. Şulay da, pandemiyäneñ aldan kürep bulmıy torğan tabiğate arqasında, AQŞ watandaşların säyäxät itkän waqıtta diqqat’le bulırğa çaqırdılar. Çönki qayber illärdä koronavirus kürsätkeçläre kimegändä, qayberlärendä, kiresençä, arta.

Franśiyädä kizü säbäple soñğı 24 säğat’tä 7 keşe ülde häm yuğaltular 30 meñ 312 buldı. Koronavirus êläktergän keşe sanı isä 1604kä arttı häm 222 meñ 350gä citte. İldä reanimaśiyädä yatuçılarnıñ sanı da qabat üsä başladı. Mäğarif ministrlığınnan belderülärençä, Kovid-19 qısalarında mart ayınnan birle yabıq bulğan universitetlar sentyabr’dä açılaçaq. Belderüdä uqu yortlarında bitlek kiyü kiñäş itelde.



Bäyläneşle xäbärlär