Kim Çen-In su basqan şähärgä bardı

Tön’yaq Koreya liderı Kim Çen-In 5 yıl êçendä täwge tapqır ilendä köçle yawım-töşemnän zarar kürgän regionğa barıp qayttı.

KCNA mäğ’lümat agentlığı xäbärenä qarağanda, ilneñ Tön’yaq Xvanxê töbägendä yañğır zur su taşqınnarı barlıqqa kitergän. Däwlät başlığı şundağı ber şähärgä bardı.

Unfa rayonında 730 yort häm 600 gektar döge basuı su astında qalğan. Kimendä 179 sośial’ toraqnıñ zarar kürüen belderälär.

Kön’yaq Koreya matbuğatı yazğança, Kim soñğı tapqır 2015nçe yılnıñ sentyabrendä su basu urınına üze barğan bulğan.