Oçqıç bagajında - keşe söyäkläre

Aêroportta beräwneñ bagajında keşe skeletın kürep alalar...

1467867
Oçqıç bagajında - keşe söyäkläre

Germaniyäneñ Myunxen aêroportında 74 yäş’lek ärmän qarçığınıñ 12 yıl êlek ülgän ireneñ söyäklären bagajına quyıp tuğan yağına alıp qaytırğa mataşuı açıqlandı.

Federal’ poliśiyädän belderülärençä, bagajlarnı kontrol’ aşa uzdırğanda ber ağaç sandıqta keşe skeletı kürep alalar. Tamğaxanä xezmätkärläre tabib häm prokuror qatnaşında anı açıp tikşerä.

Soñınnan açıqlanğança, ärmän xatını ülgän ireneñ söyäklären üzläre yäşägän Greśiyädän Myünxen häm Kiyev aşa Ärmänstanğa alıp qaytırğa häm anda cirlärgä teli. Aña 52 yäş’lek qızı da yärdäm itä.

Tikşerenü näticäsendä, söyäklärne alıp qaytunıñ qanunğa qarşı kilmäwe açıqlana. İke xatın-qız skeletnı alıp yulların däwam itä. Dokumentlarda ir-atnıñ Greśiyäneñ Soloniki şähäre tiräsendä 2008nçe yılda ülüe häm anda cirlänüe turındağı mäğ’lümat bar.



Bäyläneşle xäbärlär