Kovid-19 - yäş' buınnı belemsez qaldıra

BMO ğomum särqatibe Antonio Guterriş mäktäplärne açarğa çaqırdı

1467206
Kovid-19 - yäş' buınnı belemsez qaldıra

BMO ğomum särqatibe Antonio Guterriş koronavirus kizüe arqasında dön’yanıñ “buınnar hälakäte”nä duçar buluı turında iskärtte. Ul Twitter aşa yasağan videoyullamasında Kovid-19nıñ belem birü tarixındağı iñ zur özeklekkä säbäp buluın assızıqladı. Bu çorda 160dan artıq ildäge ber milliardtan kübräk uquçı belem birü yortlarına bara almadı.  Dön’ya külämendä kimendä 40 million bala mäktäpkäçä belem birüdän mäxrüm qaldı.

“Dön’ya küpsanlı keşe mömkinleklären yuqqa çığara, distälägän yıllıq üseşne cimerä häm tigezsezlekne arttıra aluçı buınnar fälakäte belän oçraştı,”-dide Guterriş.

Ul Kovid-19 kizüennän alda da 250 million balanıñ mäktäpkä yöri almawın häm dön’yanıñ xäzerge waqıtta belem birü krizisında buluın belderde. “Dön’yadağı balalar häm yäş’lär öçen xälitkeç noqtada torabız. Xäzerge waqıtta xökümätlär häm urtaqlarıbıznıñ qararları yöz millionnarça yäş’ keşeneñ tormışında ozaq waqıtlı täêsir qaldıraçaq,”-dip söyläde Guterriş.

BMO ğomum särqatibe virusnıñ taraluı tuqtalğan töbäklärdä mäktäplärneñ açıluı häm uquçılarnıñ iñ ışanıçlı räweştä uquların başlawı kiräklegen dä citkerde.  



Bäyläneşle xäbärlär