"Ülüçelär artaçaq"

Könçığış illärendä koronavirus belän bäyle soñğı sannar

1466536
"Ülüçelär artaçaq"
meksika kovid.jpg
shinzo sinzo abe.JPG

Dön’yada koronavirus säbäple ğomere özelüçelär sanı 698 meñ 3 buldı. Yoqtıru oçraqları 18 million 472 meñnän, sawığuçılar – 11 million 698 meñnän arttı.

Hindstanda älegä qadär Kovid-19dan ülüçelär sanı 39 meñ 44 buldı, tulayım yoqtıruçılar sanı 1 million 861 meñ 821ğa citte.

İran koronavirus kizüendä 17 meñ 617 keşesen yuğalttı. Qurqınıç diagnoz 314 meñ 786 keşegä quyıldı.

Rusiyädä soñğı 24 säğat’tä  kizüdä ülüçelärneñ sanı 144kä arttı häm 14 meñ 351gä citte. Virusnı barlığı 861 meñ 824 keşe êläkterde.

İzrail sälamätlek saqlaw ministrlığı mäğ’lümatlarına qarağanda, ildä Kovid-19 säbäple 541 keşeneñ ğomere özelde, yoqtıruçılar sanı 73 meñ 231gä citte. Xökümät räise Bin’yamin Netan’yaxu, yoqtıru oçraqları belän xalıq sanın çağıştırıp qarağanda, ileneñ kizüdä iñ zur zıyan kürüçelär arasında buluın belderde häm ülüçelärneñ artaçağı turında kisätte.  

Virustan ülüçelärneñ sanı qayber könçığış illärendä bolayraq:

Paqıstan – 5999,

Bangladeş – 3184,

Soğud Ğaräbstanı – 2949.

Kovid-19 kizüendä soñğı 24 säğat’tä Qıtayda 36, Kön’yaq Koreyada 34 yaña oçraq terkälde.

Könbatış Afrika däwläte Nigeriyada koronavirus säbäple 896 keşe ülde, yoqtıruçılar sanı 44 meñ 129ğa citte.

 



Bäyläneşle xäbärlär