Bel’giyäneñ iñ qart keşese ülde

“Bel’giyäneñ iñ qart keşese” isemen yörtüçe Mariêtt Buvern 111 yäşendä wafat buldı.

Cirle matbuğattağı xäbärlärgä qarağanda, 1908nçe yılnıñ 25nçe dekabrendä tuğan häm soñğı yılların Gente şähärendäge qartlar yortında kiçergän qarçıq ölkän yäş’kä bäyle säbäplär arqasında dön’yadan kitkän.

“Mariêtt Buvern ozaq yäşäwne üzenä birelgän büläk şikelle qabul itmi ide. Monı här tuğan könendä qabatlap äytä ide,”-dilär qartlar yortında êşläwçelär.

Buvern 1932nçe yılda kiyäwgä çığa, 1960nçı yılda ire ülä häm ul başqa kiyäwgä çıqmıy. Balası yuq. Xanım ozaq yıllar ber notariusnıñ sekretare bularaq êşli. Ul 95 yäşenä qadär üzeneñ fatirında yalğız yäşi, annarı qartlar yortına küçenä.

Buvernnıñ hiç isän tuğan-tumaçası qalmağan. Barı Çiko atlı känäriye bar.

Ginnesnıñ rekordlar kitabına qarağanda, dön’yada xäzerge waqıtta iñ qart keşe Yaponiyädä yäşäwçe 117 yäş’lek Kane Tanaka isemle xatın-qız.