"Piramidalarnı çit planetadan kilep tözemädelär"

Misır ministrı İlon Maskka cawap birde

1466347
"Piramidalarnı çit planetadan kilep tözemädelär"

Misır xökümäte piramidalarnı çit planeta wäkillre kilep tözüen söyläwçe İlon Masknı üzlärenä çaqırdı. SpaceX häm Tesla şirkäteneñ xucasınıñ moña qadär dä ğaläm häm dön’ya barlıqqa kilüe belän bäyle qızıq fikerläre bulğan ide. 31nçe iyül’dä urtaqlaşqan ber tvitında isä “Piramidalarnı inoplanetyannar tözüe ap-açıq” digän süzlär qullandı.

Misır xalıqara xezmättäşlek ministrı Rania al-Masxat aña cawap birde. Ul piramidalarnı kürüçelärneñ bolarnıñ êşçelär tarafınnan tözelüenä ışanaçağın äytte. “Sezneñ êşçänlegegezne zur qızıqsınu belän küzätep baram. Sezne häm SpaceXnı piramidalarnıñ niçek tözelüen añlatuçı yazularnı tikşerü häm piramidalarnı tözüçelärneñ qaberlären kürü öçen çaqıram. Mask äfände, sezne kötäbez,”-dip yazdı Misır ministrı.

Belgeçlär fikerençä, 1990nçı yıllarda tabılğan häm piramidalarnı tözüçelär öçen xäzerlängän qaberlär bu gigant qorılmalarnıñ antik misırlılar tarafınnan yasaluın isbatlıy.



Bäyläneşle xäbärlär