Simezlekkä qarşı köräş
Yuan keşelär koronavirusqa tizräk bireşä
Angliyädä xökümät simezlekkä qarşı köräş iğ’lan itte. Kampaniyäneñ maqsatı koronavirustan zarar kürü qurqınıçın kimetü. Tikşerenülär kirägennän artıq kilolı keşelärneñ Kovid-19 yanawı astında buluın kürsätte.
Kampaniyäneñ başında Kovid-19dan däwalanu waqıtında yaqınça 7 kiloğa yabığuın belderüçe Angliyä xökümäte räise Boris Djonson tora.
Simezlek belän köräştä iğ’tibarnı cälep itüçe çaralar urın ala. Kampaniyä barışında televideniye kanallarında kiçke säğat’ 9dan alda sawlıqsız rizıq reklamaları kürsätelmäyäçäk. Alarnıñ internettağı reklaması da tıyılırğa mömkin. Menyularğa kaloriy êtiketı yazu mäcbüri bulaçaq. Ğailä tabibları çiktän tış küp kilolı awırularğa yabığa başlaw turında mäğ’lümat biräçäk.
İl külämendä 35 millionnan artıq simez keşe bar. Tikşerenülär kürsätkänçä, yuannarnıñ 37%ınıñ Kovid-19dan ülü qurqınıçı bar.
