Hindstanda yalğan araqıdan ülälär

Hindstannıñ Päncap töbägendä yalğan araqı arqasında ğomere özelüçelärneñ sanı 86ğa citte.  

“Press Trust of India” xäbärenä qarağanda, töbäk xökümäte räise Amarinder Singx kontrafakt isertkeç êçemleklärneñ soñğı 4 köndä cirlekneñ Amritsar, Gurdaspur häm Tarn Taran rayonnarında qullanıluın häm ülemgä kiterüen belderä. Waqıyğa belän bäyle tikşerü êşe bara. Näticädä 7 däwlät xezmätkären êşennän yıraqlaştırğannar, aralarında poliśiyä xezmätkärläre dä bar.

Singx waqıyğanıñ oyatqa qaldıruçı buluın assızıqlıy häm xalıq sälamätlegen qurqınıç astına quyuçılarnıñ nıqlı cäza alacağın belderä.

Töbäktä yalğan isertkeç êçemlek yasap çığaru urınnarın açıqlaw öçen başlanğan 100dän artıq operaśyädä 25 keşe saq astına alındı.