Seberdä mamont skeletı tabıldı

Tön’yaq Seberdäge ber küldä yonlı mamont skeletı tabıldı.

Rusiyaneñ tön’yağındağı Yamalo-Neneŝ töbägendäge Peçevalavato küleneñ say urınnarında 23 iyul’ könne kötüçelär kürep alğan skeletnıñ çığarıluı öçen rus belgeçläre êşçänlek alıp bara.

Kim digändä 10 meñ yıl êlek yäşäwe uylanılğan mamontnıñ baş söyäge, asqı iyäge, berniçä qabırğasınıñ kisäkläre häm ayaq kimerçäkläre tabıldı, bu kisäklärneñ yaxşı saqlanuı kürelde.

Arktika Fänni tikşerenülär üzäge mödire Dmitriy Frolov mamontnıñ qalğan söyäklären êzläwne däwam itteräçäklären belderep: “Mamontnıñ qaysı yıllarda yäşäwen yäisä niçä yäşendä ülüen belmäsäk tä, qaldıqları kim digändä 10 meñ yıllıq,” – dide.

Rusiyäneñ törle töbäklärendä monnan alda da şaqtıy tuñğan xayvan qaldıqları tabılğan ide.