"Östälemdä qabat 7 meñ üle isemlegen kürergä telämim"

Könbatışta koronavirus belän bäyle soñğı sannar häm waqıyğalar

1463056
"Östälemdä qabat 7 meñ üle isemlegen kürergä telämim"
super korona fransa.jpg

Dön’yada koronavirus säbäple ğomere özelüçelär sanı 655 meñnän arttı, yoqtıru oçraqları 16 million 597 meñnän, sawığuçılar isä 10 million 143 meñnän uzıp kitte.

150 meñnän artıq ülem, 4 million 422 yoqtıruçı belän kizüneñ märkäze AQŞ bulıp qala birä. İlbaşı Donal’d Tramp koronavirusqa qarşı ikençe vakśinanıñ berniçä kön êçendä soñğı êtap sınawları başlanaçağın  xäbär itte.

Franśiyädä kizü säbäple soñğı 24 säğat’tä tağın 17 keşeneñ ğomere özelde häm kizüdä ülüçelär sanı 30 meñ 209 buldı. İldä Kovid-19nı yoqtıruçılar isä 515kä arttı häm 212 meñ 616ğa citte.

İspaniyädä sälamätlek saqlaw ministrlığınnan üzgä mäğ’lümatlar birüçe Kataloniyä avtonom idaräse Kovid-19dan soñğı täwlektä 3 keşeneñ ülüen häm 724 yaña oçraq terkälüen citkerde. Avtonom xökümät citäkçese Kim Torra koronavirusta kritik çorda buluların belderde. Ul mart ayındağı kürsätkeçlärgä kire qaytmaw öçen kizügä qarşı kertelgän qağıydälärne ütärgä çaqırdı. “Östälemdä qabat 7 meñ üle isemlegen kürergä telämim. Monı kirtäläw öçen qulımnan kilgän här närsäne êşliyäçäkmen. Ägär bergä xäräkät itmäsäk, kiregä taba kitärbez. Alda cäyneñ iñ ähämiyätle 10 köne,”-dide ul.



Bäyläneşle xäbärlär