"Säyäxätkä çıq!"

Yaponiyädä êçke turizmnı üsterü öçen qızıqsındıru paketı qabul itelde

1460061
"Säyäxätkä çıq!"

Yaponiyada koronavirus kizüendä zarar kürgän cirle turizm bazarına can örergä telilär. Bu uñaydan “Säyäxätkä çıq” kampaniyäse başlandı.

Xökümät räise Abe Şinzo matbuğat cıyılışında beldergänçä, êçke turizmğa yärdäm - kizügä qarşı kürelgän iq’tisadi çara paketında urın ala. Ul ildä iq’tisadnı kütärü öçen dä, koronavirusnıñ taraluın kirtäläw maqsatınnan da kisätü adımnarı yasaluın iskärtte. Abe Yaponiyädä Kovid-19 oçraqlarınıñ artuğa taba baruın da äytep uzdı.

Başqala Tokio, yoqtıruçılar sanı kübäyü säbäple, turistlarnı qızıqsındıru programmasına kermi.

“Anti-infekśiyä çaraların tögäl tormışqa aşıraçaqbız häm xalqıbıznıñ sälamätlek şartlarınıñ naçarayuına kirtä quyaçaqbız,”-dide Abe Şinzo.

Parlamentta qabul itelgän finans paket 1,35 trillion iyen (12 milliard yarım dollar) külämendä. Ul 35%ı qunaqxanä häm transport taşlamaları, 15%ı satıp alu häm azıq-tölek kuponnarı – tulayım 50%qa qadär çığımnarnıñ tülänüen küzdä tota.



Bäyläneşle xäbärlär