Koronavirusnı neytral'läşterüçe bitlek

Portuğaliyädä koronavirusnı neytral’läşterüçe bitlek yasaldı. Başqala Lissabondağı Molekulyar mediśina institutınnan belderülärençä, “MOxATech” dip ataluçı bitlekne berniçä täcribä aşa ütkärgännär. Şul waqıtta anıñ koronavirusnı täêsirsez xälgä kiterä aluı bilgele bulğan. Bitlek inde aprel’ ayında uq satuğa çıqqan. Ämma anıñ üzençälege äle bilgele bula. Bitlek yasaw öçen qullanılğan tuqıma häm saqlawçı cihaz qağılğanda virusnıñ köçen ala.

İnstitut xezmätkäre häm täcribälärneñ citäkçese Pedro Simas bolay di: “Bitlektä qullanılğan tuqıma belän bilgele ber külämdä virusı bulğan êremä kontaktqa kertelde. Berazdan virusnıñ köçe tikşerelde. Bitlek 50 tapqır yuılğannan soñ da SARS belän Kovid-19nı neytral’läşterüen däwam itte. Virusnıñ bitlekkä tigännän soñ ber säğat’ ütkäç täêsireneñ 99%qa kimüe kürende”.

Su ütkärmäwçe häm qabat-qabat qullanu üzençäleklärenä iyä, törle qatlamnarnı berläşterüçe bitlek MO dip ataluçı Portugaliyä markası tarafınnan böten dön’yağa satıla başladı.

Lissabon institutınnan alda Franśiyäneñ Lil’ şähärendäge Paster institutı da bitlektä qullanıluçı materiallar belän törle täcribälär ütkärelüen häm anıñ duñğız grippı, korona-tayp häm rotaviruslarğa qarşı täêsirle buluınıñ raslanuın beldergän ide.