Könçığış illärendä koronavirus

Dön’yada koronavirus säbäple ğomere özelüçelärneñ sanı 648 meñ 477 buldı. Yoqtıru oçraqları 16 million 205 meñ, sawığuçılar sanı isä 10 millionğa yaqınlaştı.

Hindstanda ülüçelärneñ sanı 32 meñ 63kä, yoqtıru oçraqları 1 million 385 meñ 522gä citte.

İranda koronavirus 15 meñ 384 keşeneñ ğomeren özde. Yoqtıruçılar - 288 meñ 839.

Ğıyraqta koronavirus arqasında soñğı 24 säğat’tä 72 keşeneñ ğomere özelde häm ildä yuğaltu 4 meñ 284kä citte. Tağın 2 meñ 862 keşegä xätär diagnoz quyılğannan soñ yoqtıru oçraqları 107 meñ 573 buldı.

İzraildä Kovid-19dan 457 keşe ülde, yoqtıruçılar 60 meñnän arttı.

Tön’yaq Koreyadağı Kêson şähärendä täwge koronavirus oçrağına şöbhä barlıqqa kilde. KCNA mäğ’lümat agentlığınıñ xäbärenä qarağanda, uzğan atnada Tön’yaq Koreyağa Kêson avtonom şähärennän qanunsız räweştä kergän 1 keşene, koronavirus şöbhäse belän, küzätü astına alğannar.

Misırda Kovid-19 säbäple ülüçelärneñ sanı 4 meñ 558gä, yoqtıru oçraqları 91 meñ 583kä citte.