Aq ayularnıñ soñğı ğasırı

Aq ayularnıñ näseleneñ 2100nçe yılğa qadär yuqqa çığaçağı farazlana. Monı näticäläre "Nature Climate Change" jurnalında çıqqan tikşerenülär kürsätte. Anda äytelgänçä, klimat üzgärü säbäple bozlıqlarnıñ êrüe näticäsendä aq ayularnıñ sanı kimü häm tora-bara yuqqa çığu ixtimalınıñ waqıt grafigı tözelde. Parnik êffektı barlıqqa kitergän zuq külämdä gaz qaldıqları sśenariyınnan kürengänçä, 2100nçe yılğa qadär berniçä törkemneñ tışında barlıq aq ayular näsele betäçäk. Xätta bu gazlarnı kimetü öçen quyılğan maqsatlarğa ireşelsä dä, älege xaywannarnıñ kübesen yuqqa çığu kötä.

Aq ayularnı saqlaw ictimağıy oyışmasında xezmät itüçe ğalim Steven Amstrup bolay dip söyli: “Täwge tapqır balalarınıñ yäşi almawın kürdek. Alar tua, ämma ana ayularnıñ gäwdälärendä bozsız ütkän sezon buyınça söt citeşterü öçen citärlek may tuplanmıy”.

Xäzerge waqıtta da Tön’yaq Qotıpta dozlıqnıñ keçeräyüe säbäple qayber aq ayu törkemnäre yäşäw öçen köräşä.