Fälästin totqınnarı öçen çaqıru

Gazzädäge Fälästin törkemnäre yaña tör koronavirus (Kovid-19) oçraqlarınıñ artuı arqasında İzrail törmälärendäge Fälästin totqınnarı öçen xalıqara saqlawnıñ täêmin itelüen teläde

1457976
Fälästin totqınnarı öçen çaqıru

Fälästin törkemnäreneñ zur öleşe qaramağında bulğan Milli häm İslami köçlär äsirlär komitetı tarafınnan yasalğan yazma belderügä kürä, Ğazzädäge Berläşkän Millätlär Oyışması keşe xoquqları yuğarı komissarlığına, Qızılxaç komitetına, Bötendönya sälamätlek saqlaw oyışmasına häm BMO ofislarına xat cibärelde.

Komitet cibärgän xatta İzrail törmälär idaräseneñ totqınnarğa qarata belä torıp mediśina yärdäme yağınnan maxsus iğ’tibarsızlıq kürsätüen häm höcümnärenä däwam itüe belderelde.

"İzrail virus yörtüçe İzraille xärbilärne, tabiblärne, ofiśerlarnı häm totqınnarnı Fälästinle totqınnar belän êlemtägä kerüe öçen törmälärgä cibärä”, - dip äytelüçe yazmada Törmälär idaräseneñ fälästinlelärneñ belgeç tabiblär tarafınnan däwalanuına häm kameralarınıñ yoğışsızlandırıluına (dezinfekśiyälänelüenä) röxsät birmäwe assızıqlandı.

“Kovid-19”nıñ yoğuı açıqlanğan Fälästinle totqın Kemal Näcib Äbu Vaarnıñ mediśina iğ’tibarsızlığı näticäsendä wafat buluı turında äytelgän xatta xalıqara cämäğätçelek "Fälästinle totqınnarğa xalıqara saqlawnıñ täêmin itelüe, xasta häm olı yäş’täge totqınnarnıñ şartsız azat itelüe öçen İzrailgä basım yasarğa" çaqırıla.

İzrail törmälärendä 365e administrativ totqın, 160ı bala, 41e xatın-qız belän bergä 4 meñ 700 Fälästin totqını utıra.



Bäyläneşle xäbärlär