Tanılğan şäxeslärneñ Twitterların kem cimerde?

Cimerelgän akkauntlar arasında Barak Obama, Bill Geyts, Êlon Masknıqı bar

1456273
Tanılğan şäxeslärneñ Twitterların kem cimerde?

Säyäsätçelärdän başlap êşmäkärlärgä qadär bik küp tanılğan şäxesneñ sośial’ media Twitter akkauntı kemlege bilgesez keşelär tarafınnan qulğa töşerelde. Cimerelgän säxifälär arasında AQŞnıñ êlekkege ilbaşı Barak Obama, demokratlardan ilbaşına kandidat Djo Bayden, Amazonnıñ idaräçese Djeff Bezos, Microsoftqa nigez saluçı Bill Geyts, Teslanıñ başqarma direktorı Êlon Mask, milliarder êşmäkär Maykl Blumberg häm rêp cırçısı Kan’ye Vestnıqı da bar. Älege tanılğan şäxeslärdän tış, Apple häm Uber şikelle şirkätlärneñ dä akkauntlarına kergännär.

Qulğa töşerelgän akkauntlardan urtaqlaşılğan yazmalarda ber Bitkoin adresınıñ mäğ’lümatları birelde häm älege adresqa aqça cibärü soraldı. Yänäse, här cibärelgän 1 meñ dollar öçen 2 meñ dollarlıq tüläw yasalaçaq.  

Bu waqıyğadan soñ Twitter yärdäm akkauntı aşa mäs’älä belän bäyle qısqa belderü yasadı. “Twitterdağı säxifälärgä zarar birgän qurqınıçsızlıq oçrağı turında beläbez. Tikşeräbez häm tözätü öçen çaralar küräbez. Härkemne tiz arada xäbärdar itäçäkbez” diyelä anda.

Qulğa töşerelgän akkauntlardan urtaqlaşılğan yazmalarnı tizräk sörtep attılar.



Bäyläneşle xäbärlär