Qıtay şirkäte keşelärgä röxsätsez vakśina qadağan
Êşlänmälär äle keşelärdä sınaw êtabına kilmägän bulğan
Dön’yada koronavirusqa qarşı çara tabu yarışı barğan waqıtta ber Qıtay şirkäte üz xezmätkärlärenä keşelärdä sınaw röxsäte bulmağan vakśinanı qadağan. Älege medikamentnı qullanğannar aralasında yuğarı däräcäle idaräçelär dä bar.
Sinofarm şirkäteneñ filialınıñ WeChat akkauntında yazılğança, 30 volontyer keşelärdä täcribä ütkärü röxsäte alınğançı uq êşlänmälären üzlärendä sınap qararğa röxsät birgän. Monıñ maqsatı – vakśinalarnı mömkin bulğança tizräk bazarğa çığarunı täêmin itü.
Sinofarm üze älege mäs’älä belän bäyle belderü yasamadı. Şirkät keşelärdä sınap qarawnı küzallawçı 1nçe êtap täcribälär öçen xökümättän aprel’ ayında röxsäte alınğan 2 törle Kovid-19 vakśinası belän mäşğul’.
Sinofarmnıñ xezmätkärlärenä vakśinanı röxsätsez yasawı xalıqara êtika qağıydälären bozu bulıp sanala.
