Ärmännär Ukraina ilçelegenä aş attı

Protestçı törkem Ukrainanıñ Yerivandağı ilçelege binasına borç aşı salınğan tälinkälär ırğıttı

1455994
Ärmännär Ukraina ilçelegenä aş attı

Azärbaycannıñ cir bötenlegenä teläktäşlek kürsätkännän soñ Ukrainanıñ Yerivan ilçelegenä höcüm yasadılar. Ärmänstan matbuğatında çıqqan xäbärlärgä qarağanda, monı ber törkem protestçı başqara. Alarnıñ Taşnak partiyäseneñ yäş’lär bülegennän buluı bilgele.

Ukrainağa qarşı plakatlar totıp ilçelek yanına cıyılğan törkem üzläre belän borç aşı da alıp kilä. Aş salınğan tälinkälärne binağa atalar. Protestçılar, şulay uq, Azärbaycan häm Ukrainağa qarşı şiğar’lär qıçqıra.

Ärmänstannıñ 12nçe iyül’dä Azärbaycanğa höcüm itüennän soñ Ukraina tışqı êşlär ministrlığı belderü yasadı. Anda ike il arasındağı kiyerenkelekneñ artuına tirän borçılu citkerelä häm yaqlarnı ayıq aqıllı bulırğa çaqıru yata. Belderüdä “Ukraina yağı Azärbaycan cömhüriyäteneñ xalıqara mäydanda tanılğan çiklärendä suverenlıq häm cir bötenlegenä xörmät nigezendä xälneñ säyäsi çişelüen teli” diyelä.

Bu belderüdän soñ Ukrainanıñ Yerivan ilçese Ärmänstan tışqı êşlär ministrlığına çaqırılğan ide.



Bäyläneşle xäbärlär