"Moña qısıla almıybız häm qısılırğa uylamıybız da"

Kreml' süzçese könüzäk mäs'älälar xaqında belderülär yasadı

1454971
"Moña qısıla almıybız häm qısılırğa uylamıybız da"

Kreml’ süzçese Dmitriy Peskov Azärbaycan belän Ärmänstan çigendäge bäreleşlär öçen tirän borçıluların belderde. Ul Mäskäwdä könüzäk mäs’älälärgä bäyle sorawlarğa cawap birde.

“Yaqlarnı ayıq aqıllı bulırğa häm utnı tuqtatu prośessı qısalarındağı burıçların cirenä citkerergä çaqırabız,”-dide Peskov. Ul Rusiyä tışqı êşlär ministrı Sergey Lavrovnıñ kiçä Azärbaycan häm Ärmänstandağı wazıyfadaşları belän telefon aşa söyläşüen xäterlätte häm aradaşçılıq itärgä xäzer buluların assızıqladı.  

Monnan tış, Peskov Ayasofiyanıñ mäçet bularaq ğıybadätkä açıluı belän bäyle fikeren dä belderde. “Bu Törkiyäneñ êçke êşe. Moña qısıla almıybız häm qısılırğa uylamıybız da,”-dide süzçe.

Peskov Ayasofiyanıñ UNESKO mirası bularaq saqlanuına da iğ’tibarnı cälep itte häm Törkiyä wäkilläreneñ bu nisbättän yasağan belderülärennän qanäğat’ buluların da östäde.



Bäyläneşle xäbärlär