İzrail köçlӓre bıyılnıň 6 ayında 2 meň 330 fӓlӓstinlene qulğa alğan

Bu xaqta urtaq xisapta belderelä

1454358
İzrail köçlӓre bıyılnıň 6 ayında 2 meň 330 fӓlӓstinlene qulğa alğan

 

İzrail köçlӓre bıyılnıň berençe yartısında basıp alınğan Fӓlӓstin cirlӓrendӓ 2 meň 330 fӓlӓstinlene qulğa alğan.

Fӓlӓstin azatlıq oyışmasına bӓyle Fӓlӓstin ӓsirlӓr komitetı hӓm fӓlӓstinle keşe xoquqları oyışmaları urtaq ӓzerlӓgӓn xisapqa kürӓ ,qulğa alınğan keşelӓrneň 304en balalar , 70 en xatın -qızlar tӓşkil itӓ.

Xisapta ӓytelgӓnçӓ, İzrail törmӓlӓrendӓ 4 meň 700 fӓlӓstinle utıra, alarnıñ  365e administrativ saq astında, 41 en xatın – qızlar,160 ın balalar täşkil itä.

2020 nçe yılnıň totqınnarnı cӓzalap intekterü oçraqları artqan yıl buluı asszıqlana.

Basıp alınğan Yordannıñ könbatış üzänlege häm Könçığış Qudüstä öylärdä bik yış tentü ütkärüçe İzrail köçläre törle däğ’walar belän fälästinlelärne qulğa ala.

Yordannıñ könbatış üzänlege häm Könçığış Qudüstä ğadäti xälgä äwerelgän qulğa alularda aralarında xatın-qızlar häm balalar da bulğan fälästinlelärneñ qayberläre könnär buyı qulğa alu üzäklärendä totıla.

 İzrail “administrativ saq astına alu” iseme astında küzläw oyışması mäğ’lümatlarına nigezlänep fälästinlelärne 1 aydan alıp 6 ayğa qadär saq astına ala.

Saq astına alınğan keşeneñ İzrailneñ iminlegenä qurqınıç tudıruı xaqında qarar çıqqan oçraqta xärbi sud’ya saq astında totu waqıtın 5 yılğa qadär ozınayta ala.

 



Bäyläneşle xäbärlär