Brenton Tarrant advokatlardan baş tarttı
Terrorçı mäxkämädä üzen üze yaqlayaçaq
Yaña Zelandiyäneñ Kraystçerç şähärendäge 2 mäçetkä oyıştırılğan qorallı höcümdä 51 keşene ütergän, 49ın yaralağan terrıorçı Brenton Tarrant 24nçe avgustqa bilgelängän mäxkämä utırışında üz-üzen yaqlayaçaq. Bilgele bulğança, ul 2019nçı yılnıñ 15nçe martında Nur häm Linvud mäçetlärendä êşlägän cinayäten qabul itte häm ğayeben tanıdı.
Cirle mäğ’lümat çaralarınıñ xäbärenä qarağanda, terrorçı bügen irtän uzğan utırışta Oklend törmäsennän videoêlemtä aşa qatnaşqan. Anda ul üzen üze yaqlayaçağın belderä. Şunnan soñ advokatları mäxkämädä anı wäkillek itü ğarizaların kire ala.
Terrorçığa cäza bilgeläw utırışınıñ 3 kön däwam itäçäge planlaştırıla. Anı koronavirus arqasında kiçekterdelär häm 24nçe avgustqa bilgelädelär.
Aq rasanıñ östenlegen yaqlawçı çiktän tış uñçı terrorçınıñ ğomerlek törmägä xökem itelüe kötelä.
