İtaliyädä ğadättän tış rejim tağın 6 ay däwam itärgä mömkin

Könbatış illärendä koronavirus: soñğı sannar

1453455
İtaliyädä ğadättän tış rejim tağın 6 ay däwam itärgä mömkin
KORONA SÜPER
SÜPER FOTO KORONA YENİ NORMAL.1.jpg

Dön’yada koronavirustan ğomere özelüçelärneñ sanı 566 meñnän, yoqtıru oçraqları 12 million 812 meñnän arttı. Sawığuçularnıñ sanı isä – 7 million 464 meñnän kübräk.

Kovid-19 kizüeneñ üzäge AQŞta ülüçelär sanı 137 meñ 414, yoqtıruçılar – 3 million 356 meñ buldı.

Braziliyada koronavirus säbäple 71 meñ 492 keşeneñ ğomere özelde. 1 million 840 meñ keşegä qurqınıç diagnoz quyıldı.

Meksikada 1 köndä Kovid-19 arqasında ülemnär 539ğa arttı häm 34 meñ 730 keşe täşkil itte. Yoqtıruçular sanı 6 meñ 94kä kübäyde häm 295 meñ 268gä citte.

Kizüneñ Awrupadağı märkäze xälendäge Angliyädä Kovid-19 säbäple soñğı 1 köndä 148 keşeneñ ğomere özelde häm ülem kürsätkeçe 44 meñ 798 buldı. Yoqtıru oçraqları 820gä arttı häm 288 meñ 953 keşe täşkil itte.

İtaliyädä soñğı 24 säğat’tä koronavirus säbäple ülüçelär sanı 7gä arttı häm 34 meñ 945kä citte. Aktiv oçraqlar kürsätkeçe 125kä kimede. Ber köndä 188 yaña yoqtıruçı terkälde. Xökümät räise Djuzeppe Konte ğıynvar ayında Kovid-19 arqasında iğ’lan itelgän 6 aylıq ğadättän tış xälneñ yıl axırına qadär ozınaytıla aluı xaqında fiker belderde. Senat räise Êlizabeta Kazelatti da kiçäge belderüendä ğadättän tış xälneñ tağın 6 ayğa ozınaytılu mäs’äläseneñ sişämbe senatta qaralaçağın citkerde.

Franśiyädä kizü säbäple soñğı 24 säğat’tä 25 keşeneñ ğomere özelde häm ülemnär kürsätkeçe 30 meñ 4kä, virus yoqtıruçılar sanı 658gä artıp 205 meñ 904kä citte.



Bäyläneşle xäbärlär