Rusiyäneñ yallanğan ğaskärlären Liviyädän çığaruın sorıylar

Liviyanıñ BMOdağı daimi wäkile Tahir äs-Sunni Rusiyäne üz watandaşları bulğan yallanğan xärbilärne ilennän çığarırğa çaqırdı. Ul İminlek şurasınıñ Berlin konferenśiyäse qatnaşuçıları belän oyıştırılğan Liviyä utırışında çığış yasadı.

 Sunni xalıqara cämäğat’çelekne uzğan yıl ilneñ könçığışındağı qanunsız qorallı köçlärneñ liderı Xalifä Xafternıñ başqala Tripolinı qulğa töşerü öçen başlağan höcümnärenä küz yomuı öçen tänqıyt’läde. Ul Rusiyäneñ Liviyädä Xafter öçen suğışuçı “Vagner” törkemendäge yallanğan ğaskärläre barlığına iğ’tibarnı cälep itte. Alar neft’ mäydannarın qulğa töşerergä mataşa.

Sunni berniçä kön êlek Liviyägä yallı suğışçı bularaq ütärgä mataşqan 120dän artıq keşene êläkterüe öçen Sudan xökümätenä räxmäten citkerde. Ul Liviyädä xärbiläre bulmawın söyläwçe Rusiyägä möräcäğat’ itep, bolay dide:

“Liviyädä ğaskärläregez bulmasqa mömkin, ämma “Vagner” törkeme, rus watandaşların da kertep, törle illärdän yallanğan xärbilärne qullana. Sezdän çaralar kürüegezne häm watandaşlarığıznı monnan çığaruığıznı telibez”.