Konteyner êçenä yäşerelgän cäzalaw bülmäläre

Niderlandta poliśiyä internet çeltäre aşa taba

1451503
Konteyner êçenä yäşerelgän cäzalaw bülmäläre

Niderlandta poliśiyä yök konteynerları êçendä tawış ütkärmi torğan materiallar belän qaplanğan yäşeren bülmälär taptı. Alar törle cäzalaw cihazları belän tulğan. Poliśiyä basqını waqıtında 6 keşe saq astına alındı.

Waqıyğa 22nçe iyün’dä Niderland-Bel’giyä çik buyındağı Vouvse Plantaj awılı yanında bula. Poliśiyä şifrlanğan internet çeltärendä bu bülmä turında mäğ’lümat taba. Anda qayber keşelärne cäzalaw turında süz baruı açıqlana. Bulaçaq qorbannarnı kisätälär. Şuña kürä şöbhälelär poliśiyä basqınına qadär cäzalaw bülmälären qullanırğa ölgermi.  

Konteynerlar êçendä tüşämgä berketelgän çılbırlar, idängä qadaqlanğan boğawlar, ağaç butaw öçen qullanıla torğan zur qayçı, pıçqı, teş tabibı urındığı, skal’pel’ tabıla. Monnan tış, poliśiyä operaśyä waqıtında 24 kilo narkotik matdä, 2 BMW markalı maşina häm 24 qoral qulğa töşerä.

Konteynerlarğa yıraqtan küzätü öçen kameralar berketelgän.



Bäyläneşle xäbärlär