Könbatış: artuın däwam itä

Koronavirus arqasında dön’yada ğomere özelüçelärneñ sanı 552 meñ 129, yoqtıru oçraqları 12 million 170 meñ buldı. Sawığuçılar - 7 million 70 meñ.

Kizüneñ märkäze xälenä kilgän Amerika Quşma ştatlarında koronavirus 134 meñ keşene alıp kitte. İlneñ iñ zur aviaşirkäte United Airlines älege çornıñ iq’tisadi täêsire arqasında köndälek 40 million dollarlıq yuğaltu kiçerä. Ul 1nçe oktyabr’dän 36 meñ xezmätkären êştän çığarırğa uylawın citkerde. Şirkättän yasalğan belderüdä kommerśiyä aviaśiyäseneñ iñ cimergeç finans krizisı kiçerüe assızıqlandı.

AQŞta Kovid-19 yoqtıru oçraqları arta. Qayber ştatlardağı mäcbüri bitlek tağu çarasına N’yu-Djersi da quşıldı.

Kizüdän bik nıq zarar kürgän ikençe il - Braziliyä. Anda 67 meñ 964 keşe ülde. Yoqtıru oçraqları - 1 million 713 meñ 160qa citte.

Meksikada ğomere özelüçelär sanı 32 meñ 796, yoqtıru oçraqları - 275 meñ.

Argentinada virus 1694 keşene yaqtı dön’yadan alıp kitte. Qurqınıç diagnoz quyıluçılar sanı - 87 meñnän artıq.

Peruda koronavirustan ülüçelär 11 meñ 133, yoqtıru oçraqları - 312 meñ 911.

Kizüneñ Awrupadağı märkäze Angliyädä sonğı täwlektä 126 keşeneñ ğomere özelde häm ülüçelär sanı 44 meñ 517 buldı. Yoqtıru oçraqları 630ğa arttı häm tulayım 286 meñ 979 buldı.

Franśiyädä kizü säbäple ütkän täwlektä 32 keşeneñ ğomere özelde häm tulayım yuğaltu 29 meñ 965kä citte. Virus yoqtıruçı sanı isä 663kä arttı häm 204 meñ 625 keşe täşkil itte.