BMO İminlek şurası Rusiyäneñ proyektın kire qaqtı

Rusiyä BMOda Süriyägä xalıqara yärdäm mexanizmına veto quyğannan soñ üz täq’dimen yasadı

1451997
BMO İminlek şurası Rusiyäneñ proyektın kire qaqtı

Bilgele bulğança, BMO Törkiyä aşa 2 çik buyı qapqasınnan Süriyägä gumanitar yärdämnärneñ kerüen täêmin itüçe häm 10nçı iyül’dä xezmät waqıtı çığaçaq mexanizmnı yañartırğa teläde. Ämma Rusiyä monı qabul itmäde. Ul proyektqa veto quyıp üz täq’dimen çığardı.

Rusiyäneñ Süriyägä Törkiyädän Cilvägözü çik buyı qapqası qarşındağı Babülhawadan barı 6 ay xalıqara gumanitar yärdämnärneñ kerüen küzallawçı täq’dime BMOnıñ İminlek şurasında kiräkle 9 tawışnı almawı öçen kire qağıldı.

AQŞ, Franśiyä, Angliyä, Germaniyä, Bel’giyä, Êstoniya häm Dominikan cömhüriyäte qararğa qarşı çıqtı, Tunis, Niger, Êndoneziya häm Sent-Vinsent ikelänep qaldı.

Rusiyä, Qıtay, V’yetnam häm Kön’yaq Afrika isä qarar proyektın yaqladı.

Süriyägä, xäzerge BMO qararı nigezendä, barı Törkiyä arqılı 2 çik buyı qapqasınnan xalıqara yärdäm kerä.

Rusiyä häm Qıtaynıñ kiçäge vetosınnan soñ 2 qapqa da, 10nçı iyül’dä mexanizmnıñ waqıtı tulu säbäple, yärdäm konvoylarınıñ uzuı öçen yabılırğa mömkin. Aña qadär başqa qarar çığarılmasa, yaqınça 3 million süriyäleneñ tormışı öçen ähämiyätle yärdämnär tuqtalaçaq.



Bäyläneşle xäbärlär