Qatar: “İzrail xalıqara normalarnı iğ’tibarsız qaldıra”

Qatar tışqı êşlär ministrı Möxämmäd Abdurrahman Al Sani Yaqın Könçığışta tınıçlıq barışınıñ özelep qaluınıñ säbäbeneñ İzrailneñ xalıqara normalarnı iğ’tibarsız qaldıruı buluın äytte

1450532
Qatar: “İzrail xalıqara normalarnı iğ’tibarsız qaldıra”

Al Sani Liviya, Yämän häm Süriyädäge krizislarnı söyläşü öçen ministrlar däräcäsendä cıyılğan 9nçı Qıtay-Ğäräp xezmättäşlege forumına videokonferenśiya ısulı belän qatnaştı. Al Sani biredä yasağan çığışında: "Töbäktäge tınıçlıq barışınıñ özelüeneñ säbäbe – İzrailneñ böten xalıqara normalarnı häm kileşülärne iğ’tibarsız qaldıruı”, - dip äytte.

Fälästin mäs’äläseneñ härwaqıt Qıtay belän ğäräp dönyasınıñ urtaq kön tärtibeneñ başında toruına işaräläwçe Al Sani tınıçlıqnıñ dönyanıñ kiläçäge belän totrıqlılığınıñ täêmin itelüeneñ berdänber yulı buluın äytte.

Xalıqara mönäsäbätlärneñ böten xalıqlar arasında xezmättäşlek, teläktäşlek häm bergä yäşäw nigeze qısalarında yañadan proyektlanıluınıñ zarurlığına iğ’tibarnı yünältüçe Al Sani Süriyä, Yämän häm Liviya krizislarında da säyäsi çişeleşneñ ähämiyätenä basım yasadı.

Qıtay-Ğäräp xezmättäşlek forumı 2004nçe yılda säyäsi, iq’tisadi, mädäni häm xalıqara mönäsäbätlärdä xezmättäşlek urnaştıru maqsatınnan çığıp tözelde.



Bäyläneşle xäbärlär