Aljirda 4 meñ 700 mäxküm irekkä çığa

Aljir ilbaşı Abdulmäcid Täbbun Bäysezlek bäyräme uñayınnan 4 meñ 700dän artıq mäxkümne yarlıqaw qararı çığardı. İsemlektä - 6 ayğa räşätkä artına kerüçelär yäisä şulqadär waqıtı qalğannar.

İlbaşı idaräsennän belderülärençä, terrorçılıq, keşe üterü, şımçılıq, däwlät malın urlaw, narkotiklar satu häm säwdä cinayät’lärendä ğayeplänüçelär yarlıqaw qararınnan faydalana almıy. Êlekkege ilbaşı Abdulaziz Buteflikanı wazıyfasınnan kitärgä mäcbür itkän rizasızlıq çaralarında qulğa alınğan aktivistlar bu yarlıqaw qararına keräme – anı beldermädelär.

Süz uñayınnan, ilbaşı Tebbun uzğan fevral’ ayında çıqarğan 2 yarlıqaw qararı belän 10 meñ mäxkümne irekkä çığarğan ide.