Narkomannarnı üterdelär

Meksikada reabilitaśiyä üzägenä qorallı höcüm yasaldı. Cirle matbuğat çaralarında çıqqan xäbärlärgä qarağanda, waqıyğa İrapuato şähärendä bula. Älege reabilitaśiyä üzägendä narkomannar däwalana. Qorallı höcüm waqıtında 24 keşe ülä, 7se yaralana.  

İrapuato iminlek särqatibe Pedro Kortes Zavala yaralılarnıñ yaqındağı xastaxanälärgä salınuın äytte. Berençel mäğ’lümatlar buyınça, üzäktä yaqınça 35 keşe bulğan. Qayberläre höcümçelärdän qaça alğan.

Zavala äytüençä, qorallı törkem reabilitaśiyä üzägenä texnika belän kergän. Alar binadağı keşelärne cirgä yatqırıp ütergän. Monı başqaruçılarnıñ kemnär ikäne älegä bilgesez. Alarnıñ êzenä töşä almağannar.