Tärxunädä yaña mäyetlär tabıldı

Liviyäneñ älege şähärendäge kümäk qaberleklärne qazu däwam itä

1446654
Tärxunädä yaña mäyetlär tabıldı

Liviyä armiyäseneñ 5nçe iyün’dä ilneñ könçığışındağı qanunsız qorallı köçlärneñ liderı Xalifä Xafter suğışçılarınnan qotqarılğan Tärxunä şähärendä tabılğan kümäk qaberleklärdän tağın 5 mäyet çığarıldı. Moña qadär Är-Rabit rayonındağı qazınularda 10nçı iyün’dä -10, 28nçe iyün’dä -9 cäsäd öleşläre tabılğan ide. Älege mäydannan çığarılğan mäyet sanı, şulay itep, 24kä citte.

Liviyä armiyäse başqala Tripolinıñ kön’yağı häm Tärxunä tiräsendäge kümäk qaberleklärdän iyün’dä tulayım 208 keşeneñ gäwdäse çığarıluın belderde. Aralarında xatın-qız häm balalar da şaqtıy. Gäwdälärdä cäfalap üterelü êzläre bar.

15 cäsädneñ kemlege açıqlanıp ğailälärenä tapşırılğan.  

Xafter suğışçılarınıñ başqala Tripoliğa 14 ay däwam itkän höcümnärendä Tärxunä xäräkät häm täêminat üzäge bularaq qullanıla. Liviyä armiyäse şähärne qotqarğannan soñ anda 11 kümäk qaberlek tabıla. Xalıqara cinayät’ mäxkämäse 22nçe iyün’dä yasalğan belderüendä älege kümäk qaberleklär xaqında ışanıçlı mäğ’lümat aluların häm tikşerü êşe alıp baraçaqların citkerde.



Bäyläneşle xäbärlär