Yaponiyädä iñ keçkenä dinozavr yomırqası tabıldı

Ul monnan 100 million yıl êlek yäşägän xaywannıqı

1442579
Yaponiyädä iñ keçkenä dinozavr yomırqası tabıldı

Yaponiyädä tikşerenüçelär 4,5 santimetr ozınlığında häm 2 santimetr kiñlegendä yomırqa taptı. Anıñ dön’yadağı iñ keçkenä dinozavr yomırqası buluı açıqlandı.

Tikşerenü törkemendä Śukuba universitetı belän Keşe êşçänlege häm tabiğat’ muzeyı belgeçläre urın ala. Alar dinozavr yomırqasınıñ taşqa äwerelgän qaldığın Hyogo töbägendäge Tamba şähäre yanında tapqan. Aña geoxronologik yaqtan qarağanda 100 million yıl êlek bulğan irtä aqbur çorı cir qatlawında yulığalar. Ul çorda yomırqanıñ 10 gramm awırlığında buluı xisaplandı.  

Tabıldıqnıñ teropot törendäge keçkenä dinozavrnıqı buluı bilgele.  Belgeçlär anıñ bu cirlektä älege can iyäläreneñ niçek oya qoruı häm bala çığaruı belän bäyle tikşerenülärgä yärdäm itäçägen uylıy.

Mongoliyä häm İspaniyädä tabılğan fosil yomırqalarnıñ kübese 5kä 7 santimetr bularaq terkälgän. Tambadağı tabıldıq, şylay itep, alar arasında iñ keçkenäse.



Bäyläneşle xäbärlär