Meksikadağı cir teträwdä ülüçelär sanı arttı
Zilzilä ilgä bik zur zarar birgän
Meksikanıñ kön’yağındağı Oaxaka töbägendä sişämbe könne bulğan 7,5 ball zurlığındağı cir teträwdä ülüçelärneñ sanı 7gä citte. Kimendä 6 keşe yaralı. Alarnıñ 2se cir teträw üzägenä 500 çaqrım yıraqlıqtağı başqala Mexikoda.
Töbäk gubernatorı Alexandro Murat zilzilädä kimendä 500 yortnıñ cimerelüen häm tarixi xökümät binalarında yarıqlar barlıqqa kilüen söyläde. 2 million yarım keşegä êlektr ênergiyäse birelü waqıtlıça tuqtatılğan. Çirkäwlär, küper häm avtomagistral’lärdä dä cimerekleklär barlıqqa kilgän.
Wäqalätlelär zilziläneñ 4 arxeologik qazınu urınnarına zarar birüen belderä.
Däwlätneñ neft’ şirkäteneñ ber ob’yektonda cir teträw arqasında yanğın çıqqan. Anı tiz arada sündergännär.
Bäyläneşle xäbärlär
Xan-Yunusta yaña mäyetlär tabıldı
“Nasır xastaxanäse” kompeksında tabılğan kümäk qaberlektän tağın 51 mäyet çığarıldı