Distälärçä arakanlı diñgezdä ülde

Malayziyägä kitärgä mataşqan arakanlı möselmannarnıñ şaqtıyınıñ batıp ülüe belderelä

1442989
Distälärçä arakanlı diñgezdä ülde

M’yanmadan häm Bangladeştağı möhacir lagere Koks Bazardan qaçıp diñgez aşa Malayziyägä kitärgä mataşqan arakanlı möselmannarnıñ şaqtıyınıñ batıp ülüe belderelä.

Malayziyä diñgez saqlanu berlege mödire Moxd Zubil Mat Som 9nçı iyün’dä Langkawi utrawına kilgän köymädä 269 arakanlınıñ buluın belderde. Yulçılıqnıñ başında isä kimendä 300 keşe barlığın äytälär.

Moxd Zubil distälägän möhacirneñ yulçılıq waqıtında ülüe xaqında mäğ’lümat aluların citkerde. “Qayber sıyınuçılar yulda wafat bulğan, qayberlären diñgezgä atqannar,”-dide ul. Moxd Zubil äytüençä, niçäseneñ ğomere özelüe turında qullarında tögäl sannar yuq.

Malayziyä 9nçı iyün’dä Langkawi utrawına diñgez yulı belän kergän 269 arakanlı sıyınuçını saq astına aldı. Älege waqıyğadan soñ il xökümäte Bangladeşqa möräcäğat’ itep, möhacirlärneñ diñgezdän Malayziyägä yul totuın çiklärgä çaqırdı.



Bäyläneşle xäbärlär