Lavrov: "Başqa yul kürmim"

Rusiyä tışqı êşlär ministrı Liviyä xaqındağı fikerlären citkerde

1441654
Lavrov: "Başqa yul kürmim"

Rusiyä tışqı êşlär ministrı Sergey Lavrov Liviyädä utnı tuqtatu tışında başqa yul kürmäwen belderde. Ul videoêlemtä yulı belän oyıştırılğan matbuğat cıyılışında jurnalistlarnıñ älege mäs’älä belän bäyle sorawlarına cawap birde.

Lavrov soñğı yıllarda ildäge bäreleşlärdä ber yaqnıñ ikençesennän xärbi östenlegeneñ gel waqıtlıça buluın häm suğış qırındağı xälneñ daimi räweştä üzgärep toruın söyläde. “Şuña kürä Liviyädä kiçekmästän utnı tuqtatu tışında başqa yul kürmim. Söyläşü prośessı nigezendä başqa barlıq mäs’älälärne Berlin konferenśiyäse dokumentında urın alğan añlaşu belän çişärgä mömkin,”-dide ministr.

Lavrov äytüençä, Rusiyä Liviyäneñ 3 töbäge mänfäğat’läre iğ’tibarğa alınıp il xalqınıñ qararı belän çişeleş täêmin itelüe yağında. Tışqı köçlär isä Liviyäneñ barlıq tarafları arasında dialog barlıqqa kiterü öçen uñaylı şartlar tudırırğa yärdäm itärgä tiyeş.

Lavrov küptän tügel Törkiyä tışqı êşlär ministrı Mäwlet Çavuşoğlunıñ Misırdağı wazıyfadaşı Samih Şukri belän telefonnan söyläşüen xäterlätte häm ike ministrnıñ da yaqlarnıñ söyläşü östäle artına utıruı tarafdarı buluın äytte.



Bäyläneşle xäbärlär