Qıtayda êt ite festivale bara
Meñnärçä xaywannı suyıp kürgäzmägä tezdelär
Qıtayda 10 kön däwam itäçäk êt ite festivale, rizasızlıqlarğa qaramastan, başlandı. Kovid-19 kizüenä qarşı çaralar qısalarında ildä êtlär ferma terlege statusınnan çığarılğan ide. Qıtay awıl xucalığı ministrlığı êtlärneñ öy xaywanı bularaq qına asrala alaçağın belderde.
Sky News xäbärenä qarağanda, Guansi provinśiyäseneñ Yuylin’ şähärendä bik küp bäxäslärgä säbäpçe bulğan “Liçi häm êt ite” festivale açıldı häm meñnärçä êtne suyıp öställärgä tezdelär.
Xaywan xoquqların yaqlawçı xalıqara śivilizaśiyäle cämğıyät’ oyışmasınıñ Qıtay belgeçe Peter Li êt iteneñ yaña çirlär kiterep çığara aluı häm sälamätlekkä yanaw tudıruı mäs’äläsendä kisätte. Ul soñğı yıllarda bulğan êpidemiyälärgä törle immun sistemasına iyä xaywannarnıñ säbäpçe buluına iğ’tibarnı cälep itte. Belgeç äytüençä, êt ite yaña kizülär nisbätennän xätär rizıq.
Qıtayda ilneñ här yağınnan säwdägärlär it bazarında êt häm pesi satıp alu öçen Yuylin’ şähärenä ağıla. Peter Li monı tuqtatu öçen ildä qanunnarğa üzgäreş kertergä kiräklegen belderde.
Qıtayda êt ite satudan alınğan kerem 12 million 300 meñ dollarğa citkän.
