Rusiyädän Çexiyağa cawap
2 Çexiya diplomatı persona non grata itep iğlan itelde
Rusiyä Çexiyaneñ Mäskäwdäge ilçelegendä wazıyfa başqaruçı 2 diplomatnı persona non grata itep iğlan itte. Şäxeslärneñ 2 kön êçendä ildän kitüläre soraldı.
Tışqı êşlär ministrlığınnan yasalğan yazma açıqlawda Çexiyaneñ 2 rus diplomatın ildän cibärüe xäterlätelde.
Çexiyaneñ Mäskäwdäge ilçese Vitezslav Pivonkanıñ ministrlıkka çaqırıluı urın alğan açıqlawda bolay diyelä: “Cawap bularaq Çexiyaneñ Mäskäwdäge ilçelegendä êşläwçe ike diplomat telänmägän keşe iğlan itelde. Diplomatlarnıñ ğailäläre belän 17 iyun’gä qadär Rusiyädän kitüläre kiräk.”
Açıqlawda dplomatlarnı ildän cibärü qararınıñ Çexiyaneñ qotırtuçı ğamällärenä qarşı qabul itelüe assızıqlandı.
Çexiya prem’yer-ministrı Andrey Babis Çexiya-Rusiyä mönäsäbätlärenä zıyan saluları nigeznamäse belän 5 iyun’ könne 2 rus diplomatın ildän cibärü qararın qabul itülären açıqlağan ide.
