Rusiyädä AQŞ şımçısın xökem ittelär

Rusiyädä şımçılıq itüdä ğayeplänep xökemgä tartılğan Amerika Quşma ştatları watandaşı Pol Uilanğa mäxkämä qararı çığarıldı. Anı 16 yılğa törmägä ozatalar. Prokuratura isä 18 yıl sorağan ide.

Uilannıñ êşen Mäskäw şähäre mäxkämäsendä qaradılar. AQŞ watandaşınıñ advokatı bu qararğa qarşı möräcäğat’ itäçäklären belderde.

AQŞnıñ Rusiyädäge ilçese Djon Sallivan bu qarardan qanäğat’ qalmawın äytte.

Pol Uilannı 2018nçe yılnıñ dekabr’ ayında Rusiyä federal’ iminlek xezmäte şımçılıqta şöbhälänep Mäskäwdä qulğa aldı.