"AQŞta rasaçılıq bar, ӓmma xoquq saqlaw organnarında sistemalı rasizm bar dip uylamıym"

 Amerika Quşma ştatlarında Djordj Floydnıň poliśiya zolımı arqasında ğomere özelgӓn Minneapolis qalasında poliśiya bülege başqa urınğa küçerelӓ.

AQŞ mediasında urın alğan xӓbӓrlӓrgӓ kürӓ Minneapolis şӓhӓr sovetı poliśiyanıň köç qullanuına qarata reakśiyӓlӓr hӓm protestlar dӓwam itü sӓbӓple biredӓge poliśiya bülegeneň yabılaçağın citkergӓn.

İl külӓmendӓ cӓyelgӓn rizasızlıq belderü çaraları 13 nçe könendӓ dӓ dӓwam itӓ.

Protestlar nigezdӓ tınıç uzğanğa kürӓ New -York, Çikago hӓm Filadel’fiyӓdӓ komendant sӓğӓt’lӓre beterelgӓn.

New - Yorkta protestçılar Trump Tower aldında “Tawış bir, Tramptan qotıl” dip şiğar’lӓr ӓytkӓn.

AQŞ ilbaşı Donal’d Tramp isӓ protestlar dӓwam itkӓn Vaşingtonda milli gvardiyӓçelӓrneň kire çigenüe öçen boyırıq birgӓn.

Virdjiniyӓdӓ Amerika watandaşlar suğışı waqıtındağı Konfederativ armiya generalı Karter Vikxêmnıň sının cimergӓnnӓr.

AQŞ ğadӓlӓt ministrı Uil’yam Barr Djordj Floydnıň üleme arqasında il külӓmendӓ uzuçı protest çaraları xaqında belderü yasap tübӓndӓgelӓrne citkergӓn: “Bezneň tarixıbızda oyışmalarnıň kübese açıq rasistlar ide. 1960 nçı yıllardan birle tigezsezleklӓr mӓs’ӓlӓsendӓ oyışmalarda reformalar başqarıldı hӓm alğarış tӓêmin itelde. AQŞta rasaçılıq bar, ӓmma xoquq saqlaw organnarında sistemalı rasizm bar dip uylamıym. Poliśiya xezmӓkӓrlӓreneň kübese yaxşı, lӓkin naçarları da bar , bu isӓ böten poliśiya oyışması “çerek” digӓn süz tügel.  

İsegezgä töşeräbez, Minnesota ştatında 25nçe mayda bulğan waqıyğada afroamerikalı Djordj Floyd qulğa alınğanda poliśiya xezmätkäreneñ teze belän muyınına bastıruı arqasında tın ala almıyça ülde.

Älege xäl şul könnän birle AQŞ şähärlärendä däwam itüçe rizasızlıq çaralarına kiterde.