Angliyada rizasızlıq çaraları

Angliyaneñ Bristol’ şähärendä rasaçılıqqa qarşı çara oyıştıruçılar qollar belän säwdä itkän keşeneñ häykälen cimerde.

Amerika Quşma Ştatlarında çığışı belän Afrikalı bulğan Djordj Floydnıñ 25 may könne poliŝiya qırıslığınnan yaqtı dön’yadan kitüennän soñ Angliyada başlanğan rizasızlıq belderü däwam itä.

Başqala Londonda AQŞ ilçelege häm Ministrlar Kabinetı binaları yanında çaralar oyıştırıldı.

“Qara tänlelärneñ tormışı möhim”, “Angliya ğayepsez tügel” şiğar’lären äytkän protestçılar “ğadellek bulmasa, tınıçlıq ta bulmas”, “citär”, “Tramp häm Boris rasaçı” dip yazılğan plakatlar kütärde.

Şotlandiyaneñ Êdinburg şähärendä dä protest çaraları oyıştırıla.

Floyd öçen Bel’giya başqalası Bryussel’da da Ğadälät sarayı yanında oyıştırılğan çarada meñnärçä keşe qatnaştı.

Poelaert mäydanında cıyılğan 10 meñ tiräse keşe “qara tänlelärneñ tormışı möhim” şiğare belän poliŝiya qırıslığına häm rasaçılıqqa rizasızlıq belderde.

Çarada mondıy belderge uqıldı: “AQŞta Djordj Floydnıñ üterelüe şaqtıy keşene qaqşattı. Kübebez qara tänlelärgä qarata qullanıluçı poliŝiya qırıslığınnan alcadıq. Bel’giyadäge poliŝiya qırıslığı qorbannarı öçen ğadellek sorıybız.”