İyad Hallaknıñ ğailäse ulların üterüçeneñ cäza alaçağına ışanmıy

Autizmlı Fälästin keşesen uzğan atnada İzrail poliśiyäse atıp üterde

1431134
İyad Hallaknıñ ğailäse ulların üterüçeneñ cäza alaçağına ışanmıy

İzrail xökümäte räise Binyamin Netan’yaxu uzğan atnada Qudüsneñ İske şähär rayonında autizmlı Fälästin keşeseneñ poliśiyä tarafınnan üterelüe xaqında täwge tapqır fikeren belderde. 32 yäş’lek İyad Hallaknı 30nçı mayda iminlek saqçılarınıñ “tuqta” taläbenä cawap birmäwe öçen attılar. Anıñ yanında qoral yörtüennän şöbhälängän bulalar. Ämma soñınnan Hallaknıñ qoralı bulmawı, autizmı arqasında poliśiyägä buysınmawı häm maxsus mäktäpkä yul totuı açıqlandı.

Binyamin Netan’yaxu atnalıq ministrlar kabinetı cıyılışında älege temanı kütärde häm waqıyğanı faciğa dip atadı. Ul älege xälne tikşerergä quştı. “Bu waqıyğa tragediya. Autizmlı keşedän xaqsız räweştä şöbhäländelär. Bu waqıyğanıñ kiñ külämdä tikşerelüen kötäbez. Barlıq izraillelär häm İzrail xökümäte isemennän ğailäneñ qayğısın urtaqlaşabız,”-dide Netan’yaxu.

Şul uq waqıtta, İyad Hallaknıñ ğailäse ulların üterüçeneñ cäza alaçağına ışanmıy. Änise Rana: “Cäza alaçaqların uylamıym. Minem ulım kitte, küzemneñ nurı kitte, yörägem tibüdän tuqtadı. Monnan aldağı waqıyğalardağı şikelle xäzer dä berkem cawap birmäyäçäk, berkem xökem itelmäyäçäk,”-dide.



Bäyläneşle xäbärlär