Kovid-19 vakśinası maymıllarda sınala

Tailandta koronavirusqa qarşı uylap tabılğan ber vakśinanı maymıllarda sınap qarıy başladılar.

V’yetnam xäbär agentlığı VNA yazğança, bu xaqta Bangkoktağı Çulalongkorn universitetı Çula vakśina fänni – tikşerenü üzäge räise Kiat Ruksruñtxam belderä. Ul Kovid-19ğa qarşı uylap tabılğan vakśinanı diñgez duñğızçıqlarında sınaw êtabı tögällänüen äytä. Xäzer isä qısla aşawçı makakalarda sınap qaraw zamanı citkän. Kiat äytkänçä, prośess uñışlı kilep çıqsa, oktyabr’ başlarında vakśinanı keşelärdä sınıy başlıyaçaqlar. Ul da telägän näticäne birsä, kiläse yılda Tailandnıñ üz Kovid-19 vakśinası bulaçaq.

Koronavirus bügengä qadär älege ildä 3101 keşegä yoqtı häm 58eneñ ülemenä säbäpçe buldı.