3 aylıq yañğır 3 täwlektä yawdı

Sal’vador häm Gvatemalada Amanda ğarasatı säbäple kimendä 17 keşeneñ ğomere özelde. Dawıl üze belän bergä su basular häm cir ubulular kiterde. Berneçel mäğ’lümatlar buyınça, Sal’vadorda 15, Gvatemalada 2 keşe tabiğıy afättä ülde.

Sal’vador êçke êşlär ministrı Mario Duran dawıl waqıtında 7 keşeneñ yuqqa çığuın belderde. İldä yaqınça 7 meñ keşe 154 sıyınu urınına küçerelde. Ministr äytüençä, Sal’vadorda 1 yıllıq yawım-töşemneñ dürttän bere 70 säğat’ êçendä yawğan.

Wäqalätlelär çiktän tış küp yañğır kiterep çığarğan su basular häm cir şuışularda kimendä 900 yortnıñ zarar kürüen belderde.  

Gvatemala afätlär belän idarä itü agentlığı wäkile Dêvid de Leon ildä dawılda öye işelgän ber keşeneñ cimereklär astında qalıp häm yılğa suında ağıp kitkän 9 yäş’lek ir balanıñ batıp ülüen citkerde.  

İke ildä dä ğarasat bulğan bik küp toraq punktlar zur zarar kürgän.

Xäzer isä Meksikada da dawıl turında kisätü yasaldı.