Äl-Äqsada kiyerenkelek

Fanatik yähüdlär yañadan ğibädätkä açılğan Äl-Äqsa mäçetenä qamaw yasadı

1426573
Äl-Äqsada kiyerenkelek

Fanatik yähüdlär yaw astındağı Könçığış Qudüs-Yerusalimdä urnaşqan häm yaña tör koronavirus (Kovid-19) kizüe arqasında 2 aydan kübräk waqıt buyı yabıq bulğannnan soñ bügen irtä belän yañadan ğibädätkä (ğıybädätkä) açılğan Äl-Äqsa mäçetenä qamaw oyıştırdı.

Cirle çığanaqlardan alınğan mäğ’lümatkä kürä, yannarında İzrail poliśiyası bulğan 75 fanatik yähüd Äl-Äqsanıñ kön’yaq-könbatışında urnaşqan Äl-Mäğaribä qapqasınnan Haräm-i Şärifneñ işekaldına kerde.

Äl-Äqsada bulğan fälästinlelär, täqbir äytep, qamawlarğa reakśiya kürsätkän bulsa, İzrail poliśiyası 4 fälästinlene qulğa aldı.

Çiktän tış uñçı yähüd törkemnäre kiçä sośial’ media aşa Äl-Äqsa qamaw yasarğa çaqırğan ide.

Yaw astındağı Könçığış Qudüstä urnaşqan Äl-Aqsa – möselmannarnıñ berençe qıyblası bulu üzençälegen yörtä.

Yähudlär êçendä Qıybla mäçete häm Qubbätu's Sahra mäçete belän bergä muzeylar, mädräsälär häm zur işekaldı urnaşqan Äl-Äqsa qolliyäte astında güyäs "Söläyman Mabädi qaldıqlarınıñ buluı” raslawı belän qazılmalar ütkärä, Äl-Äqsada üzläreneñ dä ğibadät itü xoquqlarınıñ buluın yaqlıy.



Bäyläneşle xäbärlär